မန္တလေးဝိဇ္ဇာနှင့် သိပ္ပံတက္ကသိုလ် သံတွဲဇာတိဖွား ပါမောက္ခချုပ်ဦးကျော်ရင် (၁၉၁၆-၁၉၆၆)

ဆရာကြီး ဦးကျော်ရင်ကို သံတွဲမြို့ ကမ်းနားလမ်း၌ မြန်မာသက္ကရာဇ် ၃၂၇၈ ခု၊ နတ်တော်လဆန်း ၁၃ ရက်၊ ခရစ်နှစ် ၁၉၁၆ ခု၊ ဒီဇင်ဘာလ ၇ ရက် ကြာသပတေးနေ့ နံနက် ၄ နာရီ အချိန်တွင် ဖွားမြင်ခဲ့ပါတယ်။ အဖဦးဖိုးဦး၊ အမိဒေါ်မြရင်တို့ရဲ့ တဦးတည်းသော သားဖြစ်ပါတယ်။

ဆရာကြီး ဦးကျော်ရင်သည် ငယ်စဉ်က သံတွဲမြို့ အေ၊ ဘီ၊ အမ် ကျောင်းတွင် စတင်ပညာသင်ယူခဲ့ပြီး၊ ယင်း နောက် အစိုးရ အထက်တန်း(တန်းမြင့်)ကျောင်းသို့ ပြောင်းရွှေ့ပညာသင်ယူခဲ့ပါတယ်။ အဲသည်ကျောင်းမှာပဲ ၁၉၃၄ ခုတွင် ၁၀ တန်းစာမေးပွဲကို အောင်မြင်ခဲ့တယ်။  ဒါပေမယ့် ဘာသာအတွဲမှားတာကြောင့် တက္ကသိုလ် ဝင်ခွင့်မရခဲ့သည်မို့ ၁၉၃၅ ခု၊ ရန်ကုန်ဆရာဖြစ်သင် ကောလိပ်သို့ ဆက်လက် ပညာသင်ယူဆည်းပူးခဲ့ပါ တယ်။ ၁၉၃၆ ခု၊စာမေးပွဲအောင်၍ ကောလိပ်သို့ ဝင်ရောက်ခွင့်ရရှိခဲ့ပါတယ်။

၁၉၄၅ ခု၌ ဦးဖိုးချို၊ ဒေါ်စောမြ တို့ရဲ့ သမီး မဖြူနဲ့ လက်ထပ်ထိမ်းမြားခဲ့ပြီး၊ သားတယောက်နဲ့ သမီးတ ယောက် ထွန်းကားခဲ့ကြောင်း သိရှိမှတ်သားရပါတယ်။

၁၉၅၀ ပြည့်နှစ်တွင် ရန်ကုန်တက္ကသိုလ်မှ မဟာဝိဇ္ဇာ တန်းကို အောင်မြင်ခဲ့တယ်။ တက္ကသိုလ် မြန်မာစာဌာန တွင် ကထိကရာထူးဖြင့် စတင်အမှုထမ်းခဲ့ပါတယ်။

ဒုတိယကမ္ဘာ့စစ်အတွင်းက တိုင်းကျိုး ပြည်ကျိုးကို သက်စွန့်ကြိုးပမ်း ထမ်းဆောင်ခဲ့သူ ဖြစ်ပါတယ်။ ရန်ကုန် တက္ကသိုလ် မြန်မာစာဌာန ကထိကအဖြစ် ထမ်းဆောင် နေစဉ် ဆိုဗီယက်ယူနီယံ အပြည်ပြည်ဆိုင်ရာ ဆက်သွယ်ရေး တက္ကသိုလ်တွင် မြန်မာစာပါမောက္ခအဖြစ် စေလွှတ်ခန့် အပ်ခြင်းခံရ၍ မော်စကိုသို့ သွားရောက် တာဝန်ထမ်းဆောင်ခဲ့ပါတယ်။ ယင်းသို့ မော်စကိုမှ ပြန်လာပြီးတဲ့နောက် တက္ကသိုလ်

များရုံး အုပ်ချုပ်ရေးမှူး ခန့်အပ်ခြင်း ခံရပါတယ်။ မကြာမီ မန္တလေးဝိဇ္ဇာနှင့် သိပ္ပံတက္ကသိုလ် ပါမောက္ခချုပ်အဖြစ် ခန့်အပ်ပြန်၍ ထိုတာဝန်ကို ကျေပွန်စွာ အမှုထမ်းဆောင် ခဲ့ပါတယ်။

သတင်းနှင့်စာနယ်ဇင်းလုပ်ငန်း ဦးဆောင်ညွှန်ကြားရေး မှူး(ငြိမ်း) ဦးတင်ခ( စာရေးဆရာ တက္ကသိုလ် တင်ခ) က ဆရာကြီး ဦးကျော်ရင်သည် "မြန်မာ့မျိုးချစ် စာပေပညာ ရှင် ဦကျော်ရင်" ဟု ခေါင်းစည်းတပ်၍ ဆောင်းပါး ရေးသားပြီး ဂုဏ်ပြုထားရှိပြီးဖြစ်ပါတယ်။

(မှတ်ချက်- ဆရာကြီး တက္ကသိုလ် တင်ခသည် ၂၀၁၅ အမျိုးသားစာပေ တစ်သက်တာဆုကို၂၀၁၆ ခု၊ ပြန်ကြား ရေးဝန်ကြီးဌာန ပြန်ထောင်စုဝန်ကြီး ဒေါက်တာဖေမြင့် လက်ထက် ဆွတ်ခူးထားရှိပါတယ်။)

ဆရာကြီးဦးကျော်ရင်သည် ကလောင်အမည် (၁၀)မျိုးခန့်နဲ့ စာအုပ်ပေါင်း(၁၀)အုပ်ခန့် ရေးသား၊ တည်း ဖြတ်၊ ထုတ်ဝေခဲ့ပြီး ဝတ္ထု၊ ပြဇာတ်၊ ဆောင်းပါး၊ ကဗျာပေါင်း(၁၅၀)ကျော် ရေးသားခဲ့ကြောင်း သိမှတ်ရပါတယ်။ ကလောင်ကွဲ ရွှေတွဲကျော်နဲ့ ရေးသား ခဲ့တဲ့ "မျက်ကန်းဗိုလ်" ဆောင်းပါးဆိုရင်ဖြင့် ဒေသဖြစ်စဉ် ဖြစ်ရပ်ကို တင်ပြထားတာဖြစ်ပါတယ်။

ဆရာကြီး ဦးကျော်ရင်သည် ရန်ုကုန်မြို့ ပြည်သူ့ဆေးရုံ ကြီး အခန်းအမှတ် ၇-၈၊ ခုတင်အမှတ် ၄ မှာပင် မြန်မာ သက္ကရာဇ် ၁၃၂၇ ခု၊ တန်ခူးလဆုတ် ၉  ရက်၊ ခရစ်နှစ် ၁၉၆၆ ခု၊ မတ်လ(၃၀)ရက် ဗုဒ္ဓဟူးနေ့ ညနေ ၅ နာရီ ၅၀ မိနစ်တွင် ကွယ်လွန်ခဲ့ပါတယ်။