ပညာ့ တန်ဖိုး

ပညာ့ တန်ဖိုး

-----------------------------------------------

တရက်နိမာ စက်ရုံမှူးတယောက်စွာ သူ့စက်ရုံ ဘွိုင်လာ

အိုး(ရီနွီးငွိပေါင်းအိုး)ပျက်လားလို့ ဘွိုင်လာကျွမ်းကျင်

ပညာသျှင်တယောက်ကို ဖုန်းဆက်ပျာ ခေါ်လိုက်တေ။

မကြာခင် ပညာသျှင်ရောက်လာပြီးကေ စက်ရုံမှူးနန့်
တတူ ဘွိုင်လာအိုးကို လားကြည့်ကတ်တေ။ ဘွိုင်လာ
အိုးဟိရေနီရာကိုရောက်စွာနန့် ပညာသျှင်စွာ သူ့ပစ္စည်း
ကိရိယာတိထည့်ရေ သေတ္တာချေထဲက တူချေတလက်ကို
ထုတ်ပနာ ဘွိုင်လာဘေးဖက် နီရာတိကို လေး၊ငါးချိန်း
ခေါက်ကြည့်လိုက်တေ။ပြီးစွာနန့် စက်ရုံမှူးကို ပြောလိုက်
တေ "ဒေနီရာမာ အပေါက်တခု ဟိနီရေ၊ အပေါက်က
လီတိ စိမ့်ထွက်တေ။ ဖာလိုက်ကေ ကောင်းလားဖို့စွာရာ"
လို့...။

စက်ရုံမှူးကလေ့ ဘွိုင်လာအပြစ်ကို လွယ်လွယ်ကူကူ
ရှာတွိပြီးကေ ခက်ခက်ခဲခဲပြုပျင်စရာ မလိုရေအတွက်
အင်တန် ဝမ်းသာလားရေ။ သူက မိန်းလိုက်တေ"ဆရာ!
ဒေ စစ်ဆေးခအတွက် ဇာလောက်ကျပါရေလေး" လို့။
ပညာသျှင်က ဒေါ်လာ(၅၀၀)ကျရေ လို့ ပြောလိုက်တေ။
စက်ရုံမှူးက အံ့လေ့ အံ့သြ၊ ဒေါသလေ့ ထွက်လားရေ။
ယင်းနန့် ပြောလိုက်တေ "အူး.... ဆရာလေ၊ တူချေနန့်
လေး၊ငါးချိန်း ခေါက်ကြည့်စွာကိုပင် ဒေါ်လာ(၅၀၀)ထိ
တောင်းစွာက မလွန်လွန်းပါလားယေ".. လို့။

ပညာသျှင်က အီးအီးဆေးဆေး အဂုပိုင် ပြန်ပြောလိုက်
တေ။ "ဟုတ်ပါရေ။ တူခေါက်ခက ဒေါ်လာ(၂၀)တည်း
ရာ ကျစွာပါ။ ကျန်ရေ ဒေါ်လာ(၄၈၀)က ဇာနီရာမာ
တူခေါက်ရဖို့လေး ဆိုစွာကို သိအောင် လေ့လာခရရေ
ပညာကြေးပါ"လို့ ပြန်ပြောလိုက်ပါလီရေ။

ပညာတတ်သူနန့် ပညာမတတ်သူစွာ အသက်မွီး ဝမ်း
ကျောင်းလုပ်ရစွာမာလေ့ မတူရေပိုင်၊ ပညာတတ်များရေ
လူအဖွဲ့နန့် ပညာတတ်မဟိရေလူ့အဖွဲ့လေ့ အလွန်ပင်
ကွာခြားပါရေ။

ပညာတတ်သူက မပင်မပမ်းဘဲ အသက်မွီးရရေ။
ပညာမတတ်သူက ခက်ခဲကြမ်းတမ်းစွာ အသက်မွီးရရေ။
ပညာတတ်လူ့အဖွဲ့အစည်းက ရှိတန်းသို့ရောက်ပနာ၊
ပညာမတတ်ရေလူ့အဖွဲ့အစည်းက အောက်ကျနောက်ကျ
မျက်နှာငယ်ရရေ။

ရခိုင်မျိုးဆက်သစ်များအနီနန့်လေ့ အသိပညာသျှင်၊
အတတ်ပညာကြီးတိအဖြစ်နန့် မိမိရို့ ရခိုင့်လူ့အဖွဲ့
အစည်းကို မြှင့်တင်နှိုင်ကတ်ပါစီ။ သာစွလေ.......။